Qozog‘iston va O‘zbekiston rasmiylari muntazam ravishda qo‘shma harbiy mashg‘ulotlar o‘tkazishga kelishib oldi. Bu haqda Uz.kursiv.media xabar berdi.
Kelishuvga muvofiq, mashg‘ulotlar ikki davlat hududida navbat bilan tashkil qilinadi. Unda quruqlik qo‘shinlari, aviatsiya va maxsus texnikalar ishtirok etadi.
Hujjat, shuningdek, harbiy kolonlarning chegaradan o‘tishi, poligonlardan foydalanish, tibbiy va texnik ta’minot masalalarini ham belgilaydi.
Shartnoma besh yilga mo‘ljallangan bo‘lib, tomonlardan biri rad etmaguncha avtomatik tarzda uzaytirilib boradi. Mutasaddilar bunday mashg‘ulotlar mintaqada xavfsizlikni mustahkamlashini va ikki armiyaning o‘zaro ishonchini kuchaytirishini ta’kidladi.
Sizningcha, qo‘shni davlatlar o‘rtasidagi bunday hamkorlik butun Markaziy Osiyoda barqarorlikni oshirishi mumkinmi?
“Zamin”ni Telegramʻda oʻqing!
