Samarqandda bolalar bog‘chasida oziq-ovqat sifati yuzasidan tekshiruv boshlandi
Samarqand shahrida maktabgacha ta’lim muassasasida sifatli bo‘lmagan go‘sht tarqatilgani haqidagi xabarlar ijtimoiy tarmoqlarda keng tarqalib, katta muhokamalarga sabab bo‘ldi. Bu voqea bolalar salomatligiga xavf tug‘dirgani borasida tashvish uyg‘otdi.
Ota-onalarning shikoyatlaridan so‘ng tegishli mutasaddi idoralar darhol tekshiruv ishlarini boshladi. Bolalarga tarqatilgan go‘sht mahsulotlarining sifati bo‘yicha ayblovlar maxsus ishchi guruh tomonidan o‘rganilmoqda.
Samarqand viloyati Maktabgacha va maktab ta’limi boshqarmasi vakillari mutaxassislar ishtirokida komissiya tuzilganini, holat hozirda har tomonlama o‘rganilayotganini bildirdi. Tekshiruv yakunlari va rasmiy xulosalar tez orada jamoatchilikka e’lon qilinadi.
Mutasaddilar ta’kidlashicha, agar oziq-ovqat sifatida qonunbuzarlik aniqlansa, mas’ullar javobgarlikka tortiladi. Jamoatchilik esa bu borada aniq va shaffof ma’lumot kutmoqda.
“Zamin”ni Telegramʻda oʻqing!
