Farg‘ona viloyatining Qo‘qon shahrida Nexia avtomobili haydovchisining mast holatda harakatlanishi yo‘l-transport hodisasiga sabab bo‘ldi, deb xabar berdi viloyat YHXB matbuot xizmati.
Ma’lumotlarga ko‘ra, 10-sentabr kuni soat taxminan 20:00 da Movarounnahr ko‘chasida Nexia rusumli yengil avtomobil boshqaruvni yo‘qotib, yo‘l chetida to‘xtab turgan yuk mashinasiga borib urilgan. Hodisa natijasida insonlar orasida jabrlanuvchilar qayd etilmadi.
O‘tkazilgan tibbiy ekspertiza Nexia haydovchisining hodisa vaqtida alkogol ta’sirida bo‘lganini tasdiqlagan. Hozirda har ikki transport vositasi jarima maydoniga joylashtirilgan va qonunbuzarlik bo‘yicha dastlabki tergov harakatlari boshlab yuborilgan.
YHXB mutasaddilari ushbu holat haydovchilar o‘rtasida mas’uliyatsizlik va mast holatda transport boshqarish holatlari hali ham uchrab turganini eslatib o‘tdi. Huquqni muhofaza qiluvchi organlar holat yuzasidan qonuniy choralar ko‘rishini ma’lum qilgan.
“Zamin”ni Telegramʻda oʻqing!
