Xorazm viloyati Urganch tumanida fuqaro tomonidan o‘zboshimchalik bilan qurilgan bino sud qarori asosida buzdirildi. Bu haqda Majburiy ijro byurosi ma’lum qildi.
Ma’lumotlarga ko‘ra, javobgar M. Atajanova Urganch tumani “Cho‘lobod” mahallasi hududida 640 kvadrat metr yer maydonini noqonuniy egallab, unda qurilish ishlarini amalga oshirgan.
Fuqarolik ishlari bo‘yicha Urganch tumanlararo sudi yerni o‘z holatiga keltirish va qurilmani bartaraf etish haqida qaror chiqargan. Ammo bir necha bor ogohlantirilganiga qaramasdan, javobgar sud qarori talablarini ixtiyoriy ravishda bajarmagan.
Shundan so‘ng, Majburiy ijro byurosi davlat ijrochilari ishtirokida qurilmani majburiy ravishda buzishga kirishgan.
Ijro jarayonida noqonuniy qurilgan inshoot to‘liq yiqitilib, yer maydoni avvalgi holatiga keltirilgan.
Idora ma’lumoticha, bunday holatlar qonunga zid hisoblanadi va fuqarolarga yer maydonidan foydalanishda amaldagi qonun-qoidalarga qat’iy rioya qilish tavsiya etilmoqda.
“Zamin”ni Telegramʻda oʻqing!
