Andijon shahrida voyaga yetmagan qizlar o‘rtasida janjal sodir bo‘ldi, deb xabar berdi viloyat IIB matbuot xizmati.
Ijtimoiy tarmoqlarda tarqalgan videolavhalarda bir guruh qizlar boshqa bir qizni urib, unga tan jarohati yetkazayotgani aks etgan. Ma’lumotlarga ko‘ra, hodisa 7 noyabr kuni Mustaqillik mahallasi hududida sodir bo‘lgan.
Dastlabki ma’lumotlarga ko‘ra, shaxsiy kelishmovchilik sabab bo‘lgan mojaroda 4 nafar voyaga yetmagan qiz ishtirok etgan. Ulardan biri — Yu.D. va uning dugonalari birgalikda E.M.ga tan jarohati yetkazgani aytilmoqda.
Hozirda holat yuzasidan tergovga qadar tekshiruv boshlangan, barcha holatlar o‘rganilmoqda.
IIB ma’lumoticha, qizlarning ota-onalariga nisbatan Ma’muriy javobgarlik to‘g‘risidagi kodeksning 47-moddasiga asosan bayonnoma rasmiylashtirilgan. Ular 412 ming so‘mdan 2 million so‘mgacha jarimaga tortilishi mumkin.
“Zamin”ni Telegramʻda oʻqing!
