Qashqadaryo viloyatining G‘uzor tumanida sodir bo‘lgan yo‘l-transport hodisasida 9 kishi halok bo‘lgani haqidagi xabarlar asossiz ekani ma’lum qilindi, deb xabar berdi Ichki ishlar vazirligi.
Ma’lumotlarga ko‘ra, voqea Surxondaryodan Toshkent yo‘nalishida harakatlangan “Sobalt” avtomobili “Nexia-2” bilan to‘qnashishi natijasida yuz bergan. Hodisa oqibatida 6 nafar fuqaro shifoxonaga yetkazilgan bo‘lib, shulardan biri tan jarohatlari tufayli vafot etgan. Qolgan bemorlarga esa tibbiy yordam ko‘rsatilgan.
IIV ma’lumotini ko‘ra, internetda tarqalgan “9 kishi halok bo‘ldi” degan ma’lumot haqiqatga to‘g‘ri kelmaydi.
Hozirda mazkur voqea yuzasidan Jinoyat kodeksining 266-moddasi — yo‘l harakati qoidalarini buzish odam o‘limiga sabab bo‘lgan holat bo‘yicha jinoyat ishi qo‘zg‘atilgan. Tergov harakatlari davom etmoqda.
“Zamin”ni Telegramʻda oʻqing!
