Sotsial tarmoqlarda 11-son JIEKda jazo o‘tagan mahkum S.Sh. kaltaklangani, oila a’zolari shifoxonaga kiritilmayotgani haqida tarqalgan xabarlarga ombudsman tomonidan rasmiy munosabat berildi.
Ma’lum qilinishicha, mahkum 23 noyabr kuni sog‘lig‘i keskin yomonlashgani uchun RSHTYOIMning Navoiy filialiga koloniya xodimlari kuzatuvida olib kelingan. Holat haqida oilasiga ham darhol xabar berilgan.
Shifokorlar unga ikki tomonlama og‘ir bronxopnevmoniya, yurak ishemik kasalligi va 3-dart FS2 gipertoniya tashhisini qo‘ygan. 11-son JIEK mahkumni salomatligi jazo o‘tashga to‘sqinlik qilayotgani sababli ozod qilish taklifnamasini kiritgan va 26 noyabr kuni Navoiy shahar sudi Jinoyat kodeksining 75-moddasi 1-qismi asosida unni ozod etgan.
27 noyabr kuni mahkumning ukasi ombudsmanning mintaqaviy vakiliga murojaat qilib, bloger tarqatgan xabarda noaniq ma’lumot bo‘lganini tan olgan. Vakil shu kunning o‘zida shifoxonaga borib, vaziyatni o‘rgangan.
Ayni vaqtda videomurojaat yuzasidan Navoiy maxsus prokuraturasi tomonidan tergovga qadar tekshiruv amalga oshirilmoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
