Taniqli bloger “Real Sanjik” taxallusi bilan tanilgan S.K. vaqtincha hibsga olindi. Bu haqda “Ezgulik” inson huquqlari jamiyati rahbari Abdurahmon Tashanov ma’lum qildi.
Ma’lumotlarga ko‘ra, 26 noyabr kuni soat 19:00 larda Toshkent shahar IIBB tomonidan o‘tkazilgan maxsus reyd davomida bloger ushlangan. Jabrlanuvchilar uni tovlamachilik va o‘qotar qurollarni noqonuniy saqlashda gumonlamoqda.
Tashanovning aytishicha, huquqni muhofaza qiluvchi organlar hodisa yuzasidan rasmiy izoh berish bilan birga, protsessual qoidalarga qat’iy amal qilishi zarur.
Bundan oldin ham bloger nomiga bog‘liq shov-shuvli voqea jamoatchilik e’tiborini tortken edi. 2024 yil avgust oyida 1997 yilda tug‘ilgan Sh.R. ma’shuqasi Sh.A.ga uylanishini va’da qilib, uning ishonchidan foydalangan. Uyini yashirin tarzda bloger “Real Sanjik”ga 240 ming dollarga sotib yuborgan.
Shov-shuv ketgandan so‘ng bloger uyni bolalar uyiga hadya qilishini aytgan, ammo hujjatlarni topshirmagani ma’lum bo‘lgan.
Bu ish bo‘yicha Sh.R.ga nisbatan firibgarlik moddasi bilan jinoyat ishi ochilib, tergov davomida uning boshqa qurbonlari ham aniqlangan.
21 noyabr kuni sud hukmi o‘qildi: Sh.R. 9 yil muddatga ozodlikdan mahrum etildi va jazoni umumiy tartibdagi koloniyada o‘taydi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
