Farg‘ona viloyatida Giyohvandlik vositalari va kuchli ta’sir etuvchi moddalarning noqonuniy aylanmasiga qarshi keskin kurash doirasida DXX, IIV va Bojxona organlarining hamkorligida bir qator tezkor tadbirlar o‘tkazildi. Natijada "gashish" hamda kontrabanda yo‘li bilan kiritilgan "Regapen" dori vositalarini sotish bilan shug‘ullangan bir necha nafar shaxs hibsga olindi.
"Matiz"da yashirilgan 866 gramm "gashish"
Birinchi holat Marg‘ilon shahrida qayd etildi. Tezkor tadbir davomida 1996 yilda tug‘ilgan, Marg‘ilon shahrida yashovchi fuqaroga tegishli "Matiz" avtomashinasi to‘xtatilib, ko‘zdan kechirildi. Tekshiruvda avtomashina salonidan 866 gramm "gashish" moddasi topilib, ashёviy dalil sifatida rasmiylashtirildi. Gumonlanuvchi ushbu giyohvandlik moddasini sotib, katta daromad orttirishni maqsad qilgani ma’lum bo‘ldi.
Qirg‘izistondan $12 800 lik "Regapen" kontrabandasi
Boshqa bir operatsiya Farg‘ona shahrida amalga oshirildi. Andijonning Qo‘rg‘ontepa tumanida yashovchi 2 nafar narkodiler Qirg‘izistondan yashirincha olib kirilgan 4 508 dona "Regapen" kuchli ta’sir qiluvchi dori vositalarini xaridorga 12 800 AQSH dollariga sotish chog‘ida qo‘lga olindi.
Holatlar yuzasidan Jinoyat kodeksining tegishli moddalari bilan jinoyat ishlari qo‘zg‘atilib, gumonlanuvlarga "qamoq" ehtiyot chorasi qo‘llanildi. Mutasaddi organlar bu kabi noqonuniy aylanma yoshlar salomatligiga va jamiyat kelajagiga jiddiy xavf soli shini eslatib, unga qarshi kurashish barchaning burchi ekanini ta’kidladi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
