Bekobodda dahshatli jinoyat: jasad kanalga tashlangan

1 daqiqa o'qish7.5K
Bekobodda dahshatli jinoyat: jasad kanalga tashlangan

Bekobod shahrida jamoatchilikni larzaga solgan og‘ir jinoyat holati yuzasidan yangi tafsilotlar ochiqlandi. Ma’lum bo‘lishicha, Ichki ishlar bo‘limi xodimi avtomashinada 43 yoshli erkakni urib o‘ldirganidan so‘ng, jasadni yashirishga urinib, bu ishga turmush o‘rtog‘ini ham jalb qilgan.

Tergov ma’lumotlariga ko‘ra, hodisa 11 dekabr kuni sodir bo‘lgan. IIBning katta tezkor vakili D.N. Nexia rusumli avtomashinani mast holda boshqarib, fuqaro B.U.ni urib ketgan. Shundan so‘ng u jabrlanuvchini mashinasiga yuklab, hodisa joyidan uzoqroq hududga olib chiqqan va rafiqasi Z.N.ni chaqirgan.

Ayol Matiz avtomashinasida kelib, jasadni bir mashinadan ikkinchisiga ko‘chirishda yordam bergan. Keyin ular jasadni Bekoboddan 35 kilometr uzoqlikda joylashgan Farhod kanaliga tashlab ketishgan. Jabrlanuvchiga o‘z vaqtida tibbiy yordam ko‘rsatilmagani uning o‘limiga sabab bo‘lgan.

12 dekabr kuni D.N. qo‘lga olinib, sud qarori bilan qamoqqa olish ehtiyot chorasi qo‘llandi. Unga nisbatan Jinoyat kodeksining 266 va 117-moddalari bo‘yicha jinoyat ishi qo‘zg‘atilgan. Rafiqasining ishga aloqadorligi esa avtomashina tekshiruvi davomida aniqlangan.

Ayni paytda marhumning jasadini topish, shuningdek, barcha holatlarga aniqlik kiritish bo‘yicha tezkor-qidiruv va tergov harakatlari davom etmoqda.

Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?