Toshkent shahrida tungi paytda ikki nafar ayol o‘rtasida kelib chiqqan tortishuv ijtimoiy tarmoqlarda keng muhokamalarga sabab bo‘ldi. Voqea aks etgan video qisqa fursat ichida tarqalib, jamoatchilik e’tiborini tortdi. Mazkur holatga Toshkent shahar Ichki ishlar bosh boshqarmasi rasmiy izoh berdi.
Ma’lum qilinishicha, hodisa 15-yanvar kuni soat 23:55 atrofida Mirobod tumanida, Amir Temur ko‘chasida joylashgan kafelardan biri oldida sodir bo‘lgan. 2000-yilda tug‘ilgan M.N. va 1992-yilda tug‘ilgan I.G. o‘rtasida avval og‘zaki tortishuv kelib chiqqan bo‘lib, u qisqa vaqt ichida o‘zaro janjalga aylangan.
Dastlabki ma’lumotlarga ko‘ra, mojaro natijasida tomonlardan hech biriga tan jarohati yetmagan. Holat tez orada bartaraf etilgan va jiddiy oqibatlar qayd etilmagan.
Ayni paytda ushbu voqea yuzasidan Mirobod tumani ichki ishlar organlari tomonidan tergovga qadar tekshiruv ishlari olib borilmoqda. Tekshiruv yakunlariga ko‘ra, amaldagi qonunchilik doirasida tegishli huquqiy qaror qabul qilinishi bildirilgan.
“Zamin”ni Telegramʻda oʻqing!
