Namangan viloyati Davlatobod tumanida odam o‘ldirish bilan bog‘liq og‘ir jinoyatning oldi olindi. Ma’lumotlarga ko‘ra, bir ayol o‘zining jazmani bilan til biriktirib, turmush o‘rtog‘ini pul evaziga yollanma shaxs orqali yo‘q qilishni rejalashtirgan.
Tergovga oid dastlabki ma’lumotlarda aytilishicha, mazkur jinoyat uchun 6000 dollar miqdorida haq belgilangan. Tezkor tadbir jarayonida gumonlanuvchilar shartli “killer”ga 5500 dollar topshirayotgan paytda qo‘lga olingan.
Ayblanuvchilar ashyoviy dalillar bilan ushlangani aytilmoqda. Huquqni muhofaza qiluvchi organlar tomonidan holat yuzasidan barcha holatlarga aniqlik kiritish ishlari olib borilmoqda.
Mazkur holat bo‘yicha Jinoyat kodeksining 97-moddasi asosida jinoyat ishi qo‘zg‘atilgan. Hozirda ushbu ish doirasida tergov harakatlari davom etmoqda.
“Zamin”ni Telegramʻda oʻqing!
