Mamlakatimizning ikki hududida mansab vakolatini suiiste'mol qilish va firibgarlik bilan bog'liq noxush holatlar aniqlandi. Samarqand viloyatida kadastr muhandisi 2 sotix yer maydoniga hujjat tayyorlab berish evaziga 2,5 ming dollar talab qilgan. U pul mablag'larini olayotgan vaqtda huquqni muhofaza qiluvchi organlar xodimlari tomonidan ashyoviy dalillar bilan qo'lga olindi.
Shunga o'xshash holat Surxondaryo viloyatida ham qayd etildi. Unda sobiq soliq inspektori fermer xo'jaligi manfaatlarini ko'zlab, muammoni ijobiy hal qilib berish evaziga 10 million so'm talab qilgan. U ham pora olayotgan paytda ushlanib, qonun oldida javobgarlikka tortiladigan bo'ldi.
Mazkur ikki holat yuzasidan Jinoyat kodeksining 168-moddasi bilan jinoyat ishlari qo'zg'atildi. Hozirda tergov harakatlari olib borilmoqda va gumonlanuvchilarga nisbatan qamoqqa olish tarzidagi ehtiyot chorasi qo'llanilgan. Mutaxassislarning ta'kidlashicha, hujjatlarni pul evaziga tezlashtirishga urinish jamiyat uchun qimmatga tushmoqda va bunday qilmishlar qat'iy jazolanishi shart.
“Zamin”ni Telegramʻda oʻqing!
