Toshkent viloyatida huquqni muhofaza qiluvchi organlar tomonidan o'tkazilgan tezkor tadbir davomida noqonuniy dori vositalari savdosiga chek qo'yildi. Bojxona boshqarmasi, DXX va boshqa tegishli idoralar hamkorligida Toshkent tumanidagi xonadonlardan birida yashirin omborxona aniqlandi.
Tekshiruv jarayonida xonadonda 7 961 quti, shuningdek, unga tegishli avtomashina ichida 6 167 quti xorijda ishlab chiqarilgan biologik faol qo'shimchalar va dori vositalari borligi ma'lum bo'ldi. Ushbu mahsulotlarning sifati kafolatlanmagan bo'lib, ularning umumiy qiymati dastlabki hisob-kitoblarga ko'ra 2 milliard so'mdan oshib ketgan.
Jami 13 675 quti dori vositasi ashyoviy dalil sifatida rasmiylashtirilib, olib qo'yildi. Hozirgi vaqtda mazkur holat yuzasidan tergovga qadar tekshiruv harakatlari davom ettirilmoqda. Mutaxassislar fuqarolarni sifati va kelib chiqishi noma'lum bo'lgan dori vositalarini xarid qilmaslikka hamda sog'liq uchun xavf tug'dirishi mumkin bo'lgan bunday mahsulotlardan ehtiyot bo'lishga chaqirmoqda.
“Zamin”ni Telegramʻda oʻqing!
