Foto: Videodan kadr
7 aprel kuni Surxondaryo viloyati, Denov tumani, “Oqtom” MFYda joylashgan suyultirilgan gaz quyish shoxobchasida katta yong‘in sodir bo‘ldi. Hodisa gaz tashuvchi maxsus avtomobildan gazni sig‘imga quyish jarayonida sig‘imda chaqnash yuz bergani natijasida kelib chiqdi. Chaqnash natijasida paydo bo‘lgan yong‘in joyiga 5 ta qutqaruv bo‘linmalari yetib borib, yong‘in o‘rab olingan va hozirda yong‘inni bartaraf etish ishlari davom ettirilmoqda.
Dastlabki maʼlumotlarga ko‘ra, gazning yorilishi va yong‘inning kelib chiqishi maxsus avtomobildan propan gazini bo‘shatish jarayonida texnologik buzilishlar natijasida sodir bo‘lgan. Voqea joyida viloyat favqulodda vaziyatlar bo‘yicha rahbarlar, Denov tumani IIB, SSB va “Hududgaztaʼminot” rahbar va xodimlari ishlashmoqda.
Qutqaruvchilarning olib borgan ishlari tufayli yong‘inni bartaraf etish ishlari bosqichma-bosqich amalga oshirilmoqda. Hozirda hodisaning kelib chiqish sabablarini aniqlash ishlari davom etmoqda. Jabrlanganlar va qurbonlar haqida hali xabar berilgani yo‘q.
“Zamin”ni Telegramʻda oʻqing!
