O'zbekistonda jismoniy shaxslar uchun biologik faol qo'shimchalarni bojxona to'lovlarisiz olib kirish tartibi soddalashtirildi. Bu haqda Vazirlar Mahkamasining qarorida belgilangan.
Yangi tartibga ko'ra, jismoniy shaxslar chet eldan bojxona to'lovisiz 10 turga qadar biologik faol qo'shimchalarni birlamchi qadoqlashda — har bir turdan bittadan ortiq bo'lmagan qadoqda olib kirishi mumkin. Bunda umumiy og'irlik 3 kg dan oshmasligi shart.
Avval olib kirish me'yorlari qo'shimchalar shakliga bog'liq edi. Masalan, tabletka yoki kapsulalarni 100 donagacha, kukuinsimon shakllarni esa 0,5 kg gacha olib kirish mumkin edi.
Biroq bir qadoqdagi mahsulot miqdori belgilangan cheklovdan oshgan hollarda aniq tartib mavjud emas edi, bu esa amaliyotda tushunmovchiliklarga sabab bo'lardi.
Yangi o'zgarishlar ushbu noma'lumlikni bartaraf etdi. Bundan tashqari, me'yorlarni belgilashda aholining taklif va ehtiyojlari ham inobatga olingan.
“Zamin”ni Telegramʻda oʻqing!
