Termizda mansabdor pora ustida qo‘lga olindi...
Termiz shahridagi Veterinariya va chorvachilikni rivojlantirish bo‘limi mansabdor shaxsi xizmat vakolatini suiiste’mol qilib, pora olayotgan vaqtda qo‘lga olindi. Ayblanuvchi fuqaroga bo‘shydigan bino va yer maydonini sotib olib berish va’dasi bilan 3 ming AQSh dollari talab qilgan. Huquqni muhofaza qilish organlarining tezkor operatsiyasi natijasida u 2 ming dollar va 12 million so‘m mablag‘ bilan ushlandi. Hozirda ushbu holat yuzasidan jinoyat ishi qo‘zg‘atilib, tergov choralari ko‘rilmoqda.
Surxondaryo viloyatining Termiz shahridagi Veterinariya va chorvachilikni rivojlantirish bo‘limiga oid mansabdor shaxs xizmat vakolatini suiisteʼmol qilgan holda firibgarlikka qo‘l urgani aniqlandi.
Tekshiruv maʼlumotlariga ko‘ra, u fuqaroga bo‘lim yaqin vaqt ichida boshqa binoga ko‘chirilishi haqida soxta maʼlumot berib, bo‘shaydigan bino va unga tegishli yer maydonini tanishlari orqali auksiondan sotib olib berishni vaʼda qilgan. Aslida esa bu vaʼda faqat shaxsiy manfaat ko‘zlangan harakat bo‘lgan.
Mazkur “xizmat” evaziga u fuqarodan 3 ming AQSH dollari talab qilgani maʼlum bo‘ldi. Keyingi bosqichda tezkor tadbir tashkil etilgan.
Davlat xavfsizlik xizmati, Iqtisodiy jinoyatlarga qarshi kurashish departamenti hamda ichki ishlar organlari hamkorligida o‘tkazilgan tezkor operatsiya natijasida mansabdor shaxs pora olayotgan paytda qo‘lga olindi. U 2 ming AQSH dollari va 12 million so‘m mablag‘ni qabul qilgan vaqtda ushlangan.
Hozirda ushbu holat yuzasidan jinoyat ishi qo‘zg‘atilgan bo‘lib, tergov harakatlari davom etmoqda. Tegishli organlar barcha holatlarni chuqur o‘rganmoqda.
Fuqarolarga esa bunday vaziyatlarga duch kelganda befarq bo‘lmaslik va zudlik bilan vakolatli organlarga murojaat qilish so‘raldi. Xususan, DXXning 1520 qisqa raqami orqali xabar berish imkoniyati mavjud bo‘lib, murojaat qiluvchilarning shaxsi sir saqlanishi kafolatlanadi.
Bu holat yana bir bor xizmat mavqei suiisteʼmol qilinsa, javobgarlik muqarrar ekanini eslatib qo‘ydi.
Izohlar 0
…