Toshkentda avtobus harakati paytida piyoda halok bo‘ldi
Toshkent shahrining Bektemir tumanidagi “Qo‘yliq dehqon bozori” avtoshohbekatida Yutong elektrobusi ishtirokida fojiali yo‘l-transport hodisasi sodir bo‘ldi. Aniqlanishicha, 45-sonli yo‘nalishda harakatlanayotgan avtobus haydovchisi transport vositasini orqa tomonga boshqarayotgan vaqtda 1991 yilda tug‘ilgan piyoda A.K.ni bosib ketgan. Olingan og‘ir tan jarohatlari natijasida piyoda voqea joyida halok bo‘lgan.
Toshkent shahrining Bektemir tumanida Yutong elektrobusi ishtirokida o‘lim bilan yakunlangan yo‘l-transport hodisasi ro‘y berdi. Bu haqda “Toshshahartransxizmat” AJ axborot xizmati ma’lum qildi.
Qayd etilishicha, hodisa 2026 yil 6 iyun kuni soat 13:40 atrofida Bektemir tumani hududida joylashgan “Qo‘yliq dehqon bozori” avtoshohbekatida sodir bo‘lgan. 45-sonli Food City savdo majmuasi — Qushbegi mavzesi yo‘nalishida harakatlanayotgan Yutong elektrobusi haydovchisi transport vositasini orqa tomonga boshqarayotgan vaqtda piyoda — 1991 yilda tug‘ilgan A.K.ni bosib ketgan.
Natijada piyoda A.K. og‘ir tan jarohatlari olib, voqea joyida vafot etgan.
Mazkur yo‘l-transport hodisasi belgilangan tartibda Toshkent shahar IIBB Tergov bo‘limi mas’ul xodimlari tomonidan rasmiylashtirilgani ma’lum qilindi.
Izohlar 0
…