Bektemir tumanining ayrim hududlarida issiq suv vaqtincha o‘chirildi

22 iyun kuni Bektemir tumanining ayrim hududlarida issiq suv ta’minoti vaqtincha to‘xtatildi. Bu gaz ta’minoti tarmoqlarida rejali ishlar olib borilishi bilan bog‘liq.

Ma’lumotga ko‘ra, issiq suv soat 14:00 dan 17:00 gacha berilmaydi.

Cheklov Husayn Boyqaro ko‘chasi, shuningdek, «Zilola», «Rohat», «Mirishkor» va «Iqbol» mahallalarida amal qiladi.

Rejali ishlar yakunlangach, issiq suv ta’minoti qayta tiklanishi kutilmoqda.