Bolaning og‘ziga mato tiqqan bog‘cha taqdiri hal bo‘lmoqda

1 daqiqa o'qish112
Bolaning og‘ziga mato tiqqan bog‘cha taqdiri hal bo‘lmoqda

Toshkent shahrida tarbiyalanuvchilarga nisbatan zo‘ravonlik holatlari bilan bog‘liq mojaro markaziga aylangan Rayyan Kids Land xususiy bog‘chasining litsenziyasi bekor qilinishi mumkin. Mas’ul idoralar muassasa faoliyatida qonunchilik talablari qo‘pol ravishda buzilganini ma’lum qildi.

Toshkent shahar maktabgacha va maktab ta’limi boshqarmasi ma’lumotiga ko‘ra, tekshiruvlar davomida nodavlat ta’lim tashkiloti litsenziya shartlarini oltita holat bo‘yicha buzgani aniqlangan. Ular orasida 24 iyun kuni tarbiyachi tomonidan tarbiyalanuvchilardan biriga nisbatan jismoniy va ruhiy tazyiq o‘tkazilgani ham bor.

Amaldagi qonunchilikka muvofiq, agar litsenziya talablari bir marta qo‘pol ravishda buzilib, bu holat fuqarolarning hayoti yoki sog‘lig‘iga xavf tug‘dirgan bo‘lsa, litsenziyani bekor qilish uchun huquqiy asos yuzaga keladi.

Shu munosabat bilan Maktabgacha va maktab ta’limi vazirligi mazkur xususiy bog‘cha litsenziyasini bekor qilish masalasida Toshkent tumanlararo iqtisodiy sudiga rasmiy murojaat kiritgan.

Eslatib o‘tamiz, avvalroq ijtimoiy tarmoqlarda Uchtepa tumanida joylashgan ushbu xususiy bog‘chada bolalarga nisbatan qo‘pol munosabat aks etgan videolar keng tarqalgan edi. Tasvirlarda tarbiyachilarning ayrim bolalarga bosim o‘tkazgani, bir bolaning og‘ziga mato tiqilgani va yana bir tarbiyalanuvchining qo‘li eshik orasida qisilgani aks etgani jamoatchilikning keskin e’tiroziga sabab bo‘lgan.

Mazkur holat yuzasidan Uchtepa tumani ichki ishlar organlari tomonidan Jinoyat kodeksining 110-moddasi — qiynash alomatlari bilan jinoyat ishi qo‘zg‘atilgan. Shuningdek, jabrlangan tarbiyalanuvchilarning tan jarohatlarini aniqlash maqsadida sud-tibbiy ekspertizasi tayinlangan.

Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?