APK ortidagi tuzoq: 21 kishi 336 million so‘midan ayrildi

1 daqiqa o'qish123
APK ortidagi tuzoq: 21 kishi 336 million so‘midan ayrildi

Kiberfiribgarlar fuqarolarni aldashning yana bir xavfli usulidan foydalangani ma’lum bo‘ldi. Navoiy viloyatida huquqni muhofaza qiluvchi organlar tomonidan zararli APK ilovalari orqali bank kartalariga noqonuniy kirib, katta miqdordagi mablag‘larni o‘zlashtirib kelgan jinoiy guruh fosh etildi.

Viloyat IIB ma’lumotiga ko‘ra, tergovga bir fuqaroning bank hisobvarag‘idan katta miqdordagi mablag‘ izsiz yechib olingani haqidagi murojaati asos bo‘lgan. Aniqlanishicha, jabrlanuvchiga noma’lum shaxs tomonidan zararli APK fayl yuborilgan. Uni o‘rnatgach, firibgarlar shaxsiy ma’lumotlarni qo‘lga kiritgan va fuqaroning E-auksion tizimidagi ma’lumotlaridan foydalanib, bank kartasidagi 230 million so‘m mablag‘ni o‘zlashtirgan.

«Xavfsiz va sog‘lom yurt» keng qamrovli profilaktik tadbirlari doirasida o‘tkazilgan tezkor operatsiya davomida mazkur jinoyatga aloqadorlikda gumon qilingan uch nafar shaxs qo‘lga olindi.

Oq fonda yuzlari xiralashtirilgan uch kishining surati.

Tergov jarayonida ushbu guruh faqat bitta holat bilan cheklanmagani ma’lum bo‘ldi. Dastlabki ma’lumotlarga ko‘ra, ular respublika bo‘ylab 21 nafar fuqaroning jami 336 million so‘m mablag‘ini kiberfiribgarlik yo‘li bilan talon-toroj qilgan.

Mazkur holat yuzasidan gumonlanuvchilarga nisbatan Jinoyat kodeksining 169-moddasi 4-qismi (o‘g‘rilik) bilan jinoyat ishi qo‘zg‘atilgan. Ayni paytda tergov harakatlari davom etmoqda.

So‘nggi oylarda mamlakatda Telegram orqali zararli APK fayllar tarqatish bilan bog‘liq kiberjinoyatlar ko‘paygani kuzatilmoqda. Shu munosabat bilan mutaxassislar fuqarolarga noma’lum manbalardan kelgan APK fayllarini yuklab olmaslik, shaxsiy ma’lumotlarini hech kimga taqdim etmaslik va faqat ishonchli manbalardan dastur o‘rnatishni tavsiya etmoqda.

Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?