Xususiy bogʻcha mudirasi injiqlanayotgan 1 yashar goʻdakni kaltak yordamida tinchlantirgani aniqlandi

Voqea Toshkent shahar Yakkasaroy tumanidagi “Baby Univer” xususiy bolalar bogʻchasida yuz bergan. 2016 yil 10 dekabrida dunyoga kelgan Mahmudov Davronning onasi shu haqda tegishli tashkilotga shikoyat arizasi bilan murojaat etgan. Bolaning onasi Madina Mahmudovaning aytishicha, shu yil 6 sentyabr soat kunduzgi 15:30 da farzandini olib ketish uchun bogʻchaga tashrif buyurgan. Xuddi oʻshanda bolaning yuz, burnining ustki qismida koʻkargan joylarni koʻrib qolgan.

Surishtirganda, bogʻcha mudirasi Davron boshqa bola bilan mushtlashib qolganini aytgan. Ammo ona bu gapga ishonmagan. Tegishli joyga murojaat etgan. Tibbiy ekspertiza koʻkargan joylar yoshi ulugʻ odamning qoʻl zarbalari hosilasi ekanini aniqlab bergan. Natija shunday boʻlganki, qoʻl zarbalari bogʻcha mudirasi A. G. ga tegishli boʻlib chiqqan.

Yakkasaroy tuman sudi aybdorga nisbatan jazo belgiladi. U eng kam ish haqining uch barobari miqdoridagi jarimaga tortildi. Ammo bogʻcha mudirasi aybini tan olib bolaning yaqinlaridan uzr soʻragan boʻlsa-da, jabrlanuvchi tomon jazodan norozi ekanini bayon qildi.

Manba: uznews. uz “Zamin”ni Telegramʻda oʻqing!