“Damas” qizil chiroqda toʻxtamay, poyezd bilan toʻqnashdi

Namangan viloyati Favqulodda vaziyatlar boshqarmasidan olingan maʼlumotga asosan, 8 oktyabr kuni soat 09:30larda Pop tumani “Uygʻur” qishlogʻi hududida joylashgan qoʻriqlanadigan temir yoʻl kesishmasida “Damas” avtomashinasining yuk poyezdi bilan toʻqnashuvi roʻy bergan. Bu haqda FVV axborot xizmati xabar berdi.

Qayd etilishicha, avtomashina svetoforning qizil chirogʻiga toʻxtamay, “Qoʻshminor-Pop-2” yoʻnalishi boʻyicha harakatlanayotgan 3008-sonli yuk poyezdi bilan toʻqnashuv sodir etgan.

Yoʻl-transport hodisasi natijasida “Damas” avtomashinasida boʻlgan 2 nafar fuqaro vafot etgan va 5 nafar fuqaro tan jarohatlari olgan. “Zamin”ni Telegramʻda oʻqing!