2 noyabr kuni Qarshi tumani, «Do‘stlik» mahalla fuqarolar yig‘inida yashagan, 2004 yilda tug‘ilgan, Qarshi tumanidagi 63-maktabning 8-sinf o‘quvchisi bo‘lgan M.A o‘zi istiqomat qilib kelgan uy ayvoniga o‘zini arqon bilan osgan deb yozadi Kun.uz nashri.
6 noyabr kuni Bosh prokuratura Tezkor guruh a’zolari tomonidan vaziyat o‘rganildi.
Bosh prokuratura matbuot xizmati «Kun.uz»ga ma’lum qilishicha, hodisa sodir bo‘lgan joy Qarshi tumani prokurori, tuman IIB boshlig‘i, tuman IIB boshlig‘ining birinchi o‘rinbosari va boshqa tezkor xodimlar ishtirokida ko‘zdan kechirilib, protsessual tartibda rasmiylashtirilgan.
Mazkur holat yuzasidan Qarshi tumani xalq ta’limi bo‘limiga, voyaga yetmaganlar ishlari bo‘yicha hududiy komissiyasiga, tuman ichki ishlar bo‘limiga, «Do‘stlik» mahalla fuqarolar yig‘ini raisi va Yoshlar ittifoqi tuman kengashiga xizmat tekshiruvlari tayinlangan.
«Ushbu holat yuzasidan tergov harakatlari o‘tkazmasdan turib, qonuniy to‘xtamga kelishning imkoniyati bo‘lmaganligi sababli Qarshi tumani prokuraturasi tomonidan 06.11.2018 yilda O‘zbekiston Respublikasi JKning 103-moddasi 2-qismi «b» bandi bilan jinoyat ishi qo‘zg‘atilib, dastlabki tergov harakatlari olib borilmoqda», deyiladi xabarda.
Jinoyat ishi tergov harakatlari viloyat prokuraturasi tomonidan alohida nazoratga olingan.
Avvalroq ushbu hodisa haqida bir necha nashrlarda yozilgandi.
M.A.ning otasi J.A.ning aytishicha, uning o‘g‘li maktabda muttasil ravishda kamsitilganiga chiday olmasdan o‘z joniga qasd qilgan.
«Bir oy oldin sinf rahbari o‘quvchilarga o‘g‘limning yuziga tupurishni buyurgan. Bu vaqtda sinfxonada maktab direktorining o‘rinbosari ham bo‘lgan. Doimiy ravishda kamsitilishi oqibatida o‘g‘lim maktabga borishni istamay qo‘ydi. U o‘z joniga qasd qilishdan 2 kun oldin maktabga qatnashni to‘xtatgandi», deya otaning so‘zlarini keltirgan «CA-NEWS».
Ma’lumotlarga ko‘ra, ayni vaqtda 63-maktab direktori o‘rinbosari va M.A o‘qigan sinf rahbari ishdan bo‘shatilgan. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiyalik tergovchilar teraktda ayblanayotganlar oilasini so‘roq qilish uchun Tojikistonga keldi
Rossiyaning harbiy operatsiyadagi manyovri Ukrainani hayratga soldi
Erdo‘g‘on terrorchilar haqida keskin gapirdi
Teraktdan keyin Rossiyadagi Tojikiston fuqarolari nafrat va tajovuzga duchor bo‘lmoqda
Emmanuel Makron: “Ukraina tez orada qulashi mumkin”
«Tolibon» Moskvadagi terakt tashkilotchilarini yo‘q qilishga va’da berdi
AQSH rasmiylari: Millionlab amerikaliklar xitoylik hakerlar hujumiga uchragan
Rossiya Ukrainaning harbiy dron yig‘uv inshootlarini yo‘q qildi