Oʻzbekistonda IT yoʻnalishida masofaviy universitet tashkil etilishi mumkin

1 daqiqa o'qish3.4K
Oʻzbekistonda IT yoʻnalishida masofaviy universitet tashkil etilishi mumkin
Oʻzbekistonda AKT yoʻnalishida masofaviy universitet tashkil etilishi mumkin. Axborot texnologiyalari va kommunikatsiyalarini rivojlantirish vazirligi ayni paytda Oliy taʼlim vazirligi bilan hamkorlikda Vazirlar Mahkamasiga shu haqda taklif tayyorlamoqda. Bu haqda AKT vaziri oʻrinbosari Qahramon Yoʻldoshev maʼlum qildi.

“AKT sohasida taʼlimni rivojlantirish yoʻnalishida ham hozirgi kunda taklif ishlab chiqyapmiz. Har bir sohaga axborot-kommunikatsiya texnologiyalarining kirib borishi bilan IT yoʻnalishidagi mutaxassislarga talab oshib borayotgani munosabati bilan Oliy taʼlim vazirligi bilan kelishilgan holda On-line, yaʼni masofaviy universitet tashkil etish borasida hozirgi kunda Vazirlar Mahkamasiga kiritiladigan takliflarni ishlab chiqyapmiz”, deya Qahramon Yoʻldoshevning soʻzlarini keltirmoqda Kun.uz nashri.

Vazir oʻrinbosarining qoʻshimcha qilishicha, axborot-kommunikatsiya texnologiyalar sohasidagi yetakchi xorijiy oliy taʼlim muassasalarining taʼlim dasturlarini tatbiq etish, professor-oʻqituvchilarini jalb qilish hamda talabalar almashinuvini jadallashtirish ustida ham ish olib borilmoqda. Xususan, Toshkent axborot texnologiyalari universiteti (TATU) tomonidan koʻpgina davlatlar bilan universitetlararo bitim imzolanmoqda.

“Yil yakunida Yaponiyaga tashrif koʻzda tutilyapti. Tashrif doirasida ham TATU bilan Yaponiyadagi profil universitetlar oʻrtasida yaqin hamkorlik oʻrnatish boʻyicha muzokara olib borilmoqda”, deydi vazir oʻrinbosari.
Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?