19:09 / 07.06.2021
787

204 million so‘mlik tovarlarni hujjatlarda ko‘rsatmaslik naf bermadi

204 million so‘mlik tovarlarni hujjatlarda ko‘rsatmaslik naf bermadi

Mamlakatimizda tashqi savdo operatsiyalari bilan shug‘ullanayotgan tashqi iqtisodiy faoliyat qatnashchilariga tovarlarni import qilishda bojxona to‘lovlaridan berilayotgan imtiyozlar va tovarlarni soddalashtirilgan tartibda bojxona nazorati hamda rasmiylashtiruvidan o‘tkazilayotganligiga qaramay, bojxona to‘lovlarini to‘lamaslik maqsadida tovarlarni hujjatlarda ko‘rsatmaslik yoki kamaytirib ko‘rsatish holatlariga bojxona organlari tomonidan o‘z vaqtida chek qo‘yilmoqda.

Jumladan, Farg‘ona viloyati bojxona boshqarmasi “Qirguli” tashqi iqtisodiy faoliyat bojxona posti xodimlari tomonidan Farg‘ona viloyatining Qo‘qon shahrida joylashgan korxona nomiga xorijdan olib kelingan 21 turdagi avtomobil extiyot qismlari tovarlarini erkin muomalaga chiqarish bojxona rejimiga rasmiylashtirish uchun taqdim etilgan bojxona yuk deklaratsiyasi va yuk kuzatuv hujjatlari asosida bojxona ko‘rigidan o‘tkazilganida, qiymati 101 million so‘mlik 2 turdagi avtomobil ehtiyot qismlari tovarlarini bojxona yuk deklaratsiyasi va yuk kuzatuv hujjatlarida ko‘rsatilganidan ortiqcha ekanligi aniqlandi.

Shunga o‘xshash yana bir holatda ham Qo‘qon shahrida faoliyat yurituvchi tadbirkor tomonidan xorijdan olib kelingan avtomobil ehtiyot qismlari tovarlarini bojxona ombori bojxona rejimiga rasmiylashtirish uchun taqdim etilgan bojxona yuk deklaratsiyasi va yuk kuzatuv hujjatlari asosida bojxona ko‘rigidan o‘tkazilganida, hujjatlarda ko‘rsatilmagan, qiymati 103 million so‘mlik 3 turdagi avtomobil ehtiyot qismlari tovarlari borligi aniqlandi.

Hozirda mazkur holatlar yuzasidan bojxona organlari tomonidan surishtiruv harakatlari olib borilmoqda.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Jamiyat » 204 million so‘mlik tovarlarni hujjatlarda ko‘rsatmaslik naf bermadi