Supermodel Kendall Jenner 23 million dollar evaziga olti gektardan ortiq hududni o‘z ichiga olgan qimmatbaho qasrni xarid qildi. Peopletalk'ning yozishicha, yangi qarorgoh Kaliforniyaning eng yopiq va nufuzli hududlaridan biri — Santa-Barbara yaqinida joylashgan bo‘lib, u yerda Kendall tom ma’noda Opra Uinfriga qo‘shni bo‘ladi.
Majmua bir nechta binolardan iborat bo‘lib, asosiy uyning maydoni 1400 kvadrat metrdan oshib ketadi. Arxitekturasi klassik ispan uslubida qurilgan bu uyning tarixi XIX asrga borib taqaladi. Hatto ehtiyotkorlik bilan qayta tiklangan qadimiy inshootlar ham hanuz saqlanib qolgan.
Hududda zaytun bog‘lari, parvarishlangan atirgulzorlar, keng maydonli gazonlar va basseyn mavjud. Ammo mulkning eng asosiy jihati — katta otxonalar va ochiq maydonga ega professional ot sporti maydoni hisoblanadi. Ma’lumki, Kendall bolaligidan ot minardi va ijtimoiy tarmoqlarda ham tez-tez otlar bilan suratga tushib turadi.
Qasrning ayvonlaridan Tinch okeani hamda Santa-Ines tog‘lari manzarasi ko‘zga tashlanadi. Qo‘shimcha xavfsizlik uchun mulk qo‘shni Opranikidan ajratib turuvchi tosh devor bilan ham muhofaza qilingan. Shuning uchun ham qarorgoh shaxsiylik jihatidan maksimal darajada ta’minlangan — Montetsito markaziga borishga bir necha daqiqa ketsa-da, uy begona ko‘zlardan butunlay yashirin.
Qizig‘i shundaki, mazkur tarixiy qasrning ilgari mashhur egalari ham bo‘lgan — ular orasida Ellen DeJeneres, Bumble asoschisi Uitni Vulf Xerd va Tinder yaratuvchisi Shon Rad ham bor. Endi esa Kendall Jenner bu noyob qarorgohning yangi egasiga aylandi.
