Gollivud yulduzlari Anjelina Joli va Bred Pitt o‘rtasidagi Château Miraval vino zavodiga oid sud ishi hali ham davom etmoqda. Page Six nashri yozishicha, aktrisa yangi sud arizasi orqali ajralish jarayonining sirli va og‘riqli tafsilotlarini oshkor etdi.
"Erim bilan ajrashishga sabab bo‘lgan voqealar men va farzandlarim uchun juda og‘ir ruhiy sinov bo‘ldi", — dedi Joli o‘z murojaatida.
U, shuningdek, Bred Pittdan sud jarayoni bilan bog‘liq sarf-xarajatlar uchun 33 ming dollar (2,6 million rubl) to‘lab berishni talab qilgan. Aktrisaning ta’kidlashicha, bu mablag‘ sobiq turmush o‘rtog‘ining arizasiga javob qaytarish uchun sarflanmoqda.
Joli aytishicha, u ajralish arizasini topshirgan vaqtda Pittga og‘ir kunlarda yordam berish maqsadida Los-Anjelesdagi uyi va Miraval mulkini hech qanday tovonsiz qoldirgan. Biroq u ham, bolalar ham bu yerga qaytmagan — chunki u joy og‘riqli xotiralar bilan bog‘liq.
Ma’lumotlarga ko‘ra, aktrisaning deyarli barcha mablag‘i Miraval loyihasiga sarflangan. U bolalar uchun nafaqa va moliyaviy yordamdan voz kechgan, yagona yechim sifatida esa o‘z ulushini sotishga qaror qilgan.
"Men bolalarimning sog‘lig‘i uchun jiddiy xavotirga tushdim va ularni ruhan tiklash uchun ikki yil faoliyatimdan dam oldim", — deydi Joli.
Aktrisa 2017 yilda Pittga oilaviy mulkdagi ulushini sotib olishni taklif qilgan, ammo muzokaralar to‘xtab qolgan. “Miraval — bizning hayotimiz markazi edi. Biz u yerda turmush qurdik, farzandlarimizni o‘sha yerda tarbiyaladik. Bu uydan ajralib chiqish barchamiz uchun og‘ir sinov bo‘ldi”, — deya eslaydi u.
Eslatib o‘tamiz, Anjelina Joli va Bred Pitt 2006 yili “Mr. & Mrs. Smit” filmining suratga olish maydonida tanishgan va 2014 yilda turmush qurishgan. Biroq, 2016 yilda ularning nikohi barham topgani ma’lum qilingan. Oradan yetti yil o‘tib, 2023 yil avgust oyida ajralish rasman yakunlangan.
Shu bilan birga, sobiq turmush o‘rtoqlar o‘rtasidagi munosabatlar hanuz sovimagan. Xabarlarga ko‘ra, Pittning olti farzandining hech biri u bilan muloqot qilmaydi, hatto ayrimlari otalarining familiyasini ham familiyasidan chiqarib tashlagan.
