Gollivudning kuch-qudrat ramziga aylangan Silvestr Stallone bu darajaga bir kunda chiqqan emas — uning yo‘li haqiqiy matonat darsi.
Yoshlikda yuzining yarmi shol bo‘lib qolgani aktyorlik haqidagi orzusini yopishga majbur qilmadi. Aksincha, u o‘jarlik bilan Mayamidagi Dramatik san’at akademiyasini bitirib, teatrgacha yo‘l topdi. Lekin hayot uni tezda sinovdan o‘tkazdi.
Stallone shon-shuhratgacha turli og‘ir ishlarda tirikchilik qildi: kinoteatrda chipta sotdi, barlarda qorovul bo‘ldi, yerto‘la ringlarida jang qildi. Hatto hayvonot bog‘ida sher va yo‘lbars qafaslarini tozalap, soatiga atigi bir dollar ishlagan kunlari ham bo‘lgan.
Puli tugagan paytlari uch hafta bekatda yotib yurgan — ijaraga ham mablag‘i yetmagan. Hatto bir filmda 200 dollarga rol o‘ynashga rozi bo‘lgani ham shundan.
Biroq uning burilish nuqtasi — “Rokki” filmi bo‘ldi. Kartina ommabop xitga aylangach, Stallone gonorarlari keskin oshib, hayoti butunlay o‘zgardi.
Har qanday qiyin damda ham orzuni tashlamaslik mumkinligining eng yorqin isboti — aynan shunday hayotiy misol.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
