Taniqli ozarbayjonlik xonanda Jony bugun tavallud ayyomini nishonlamoqda. San’atkor o‘zining ijtimoiy tarmoqlardagi sahifalarida 30 yoshga to‘lganini ma’lum qilib, muxlislari bilan maxsus videolarni ulashdi.
Jony qisqa fursat ichida rus qo‘shiqchisi va qo‘shiqlar muallifi sifatida keng auditoriya e’tiborini qozondi. Uning samimiy ijrosi va zamonaviy uslubdagi qo‘shiqlari ko‘plab tinglovchilar qalbidan joy olgan.
Xonandaning ijodi nafaqat Ozarbayjon va Rossiyada, balki boshqa mamlakatlarda ham mashhurlikka erishgan. Turli davlatlarda konsert dasturlari bilan chiqish qilayotgan Jony millionlab muxlislar e’tirofiga sazovor bo‘lib kelmoqda.
30 yoshni qarshi olgan san’atkorning yangi loyihalari va ijodiy rejalari muxlislar orasida katta qiziqish uyg‘otmoqda. Uning tavallud ayyomi munosabati bilan ijtimoiy tarmoqlarda samimiy tilaklar va tabriklar yog‘ilmoqda.
