Spotify eng sodiq muxlislar uchun konsert chiptalarini band qiladi

1 daqiqa o'qish192
Spotify eng sodiq muxlislar uchun konsert chiptalarini band qiladi

Spotify platformasi foydalanuvchilarning faolligini oshirish maqsadida yangi funksiyani ishga tushirmoqda. Endilikda biror ijrochining eng ashaddiy muxlislari uning navbatdagi shousi uchun chiptalarni birinchilardan boʻlib band qilish imkoniyatiga ega boʻladilar. Kompaniya bu orqali foydalanuvchilarni koʻproq striming qilishga va platformada faolroq boʻlishga undamoqda. Bu haqda Techcrunch.com xabar beradi.

Spotify "haqiqiy muxlis" tushunchasi uchun aniq mezonlarni ochiqlamagan boʻlsa-da, bunda qoʻshiqlarni eshitish soni, ularni ulashish va boshqa faollik signallaridan foydalanishini bildirdi. Shu bilan birga, platforma botlar yoki sunʼiy intellekt (AI) yordamida statistikani soxtalashtirishga urinishlarni qatʼiy nazorat qilib boradi. Kompaniya blogida taʼkidlanishicha, takliflar cheklangan boʻlib, bu chiptalarning chayqovchilar qoʻliga tushib ketishining oldini oladi.

Saralab olingan muxlislar elektron pochta va ilova ichidagi bildirishnoma orqali ikki dona chipta sotib olish imkoniyati haqida xabar topadilar. Hozircha ushbu dastur AQSHdagi 18 yoshdan oshgan foydalanuvchilar uchun amal qiladi va ularga chipta xarid qilish uchun taxminan bir kunlik maxsus vaqt beriladi. Spotify chiptalarni bevosita sotmaydi, balki hamkor saytlar orqali xarid qilish jarayonini osonlashtiradi.

Ushbu loyiha joriy yoz mavsumidan boshlab ayrim tanlangan sanʼatkorlarning yangi eʼlon qilingan turlari doirasida yoʻlga qoʻyiladi. Kelgusida dastur koʻlamini kengaytirish rejalashtirilgan. Maʼlumot uchun, Spotify oʻtgan yili jonli tadbirlarni izlash, maʼlum bir manzillarni kuzatish va yaqin atrofdagi konsertlarni pleylistlar orqali topish kabi bir qator qulayliklarni joriy qilgan edi.

Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?