Xonanda Malika Ravshanova intervyulardan birida qizlarga qaratilgan o‘ziga xos maslahat berdi. Uning aytishicha, insonga sovg‘a qilingan gulni sotish to‘g‘ri emas, chunki u bilan birga unga berilgan energiya ham yo‘qolishi mumkin.
San’atkorning ta’kidlashicha, gul — bu oddiy narsa emas, balki insonning mehri va e’tibori ifodasi hisoblanadi. Shu sababli hatto bog‘dan uzib kelingan oddiy rayhon ham qadrlanishi va ehtiyot qilinishi kerakligini aytdi.
Malika Ravshanovaning fikricha, gul qurib qolsa ham uni turli usullarda saqlash mumkin. Masalan, ayrimlar uni giyoh sifatida ishlatishi yoki xotira sifatida asrab qo‘yishi mumkin.
Xonanda o‘z hayotidan ham misol keltirdi. Uning aytishicha, to‘yi yoki tug‘ilgan kunida berilgan gullardan biri maxsus qayta ishlanib, stol ko‘rinishida yasalgan. Hozir u o‘sha stolda qahva ichib o‘tirishni yoqtirishini aytdi.
Suhbat so‘ngida xonanda qizlarga gulni sotmaslikni, aksincha, uni xotira va energiya sifatida saqlab qolishni tavsiya qildi.
“Zamin”ni Telegramʻda oʻqing!
