Imron yangi qo‘shig‘i bilan muxlislar qiziqishini oshirdi (video)
Xonanda Imron ijtimoiy tarmoqdagi sahifasida yangi musiqiy loyihasidan qisqa video e'lon qilib, muxlislarini navbatdagi premyera bilan qiziqtirib qo'ydi. Videodagi izohdan kelib chiqib, yangi tarona "Ana bo'lmasa" nomi bilan taqdim etilishi kutilmoqda. Shuningdek, klip suratga olish jarayonida taniqli aktrisa Durdona Qurbonova ham ishtirok etgani muxlislar e'tiboridan chetda qolmadi. Hozircha qo'shiq va videoklipning aniq premyera sanasi rasman e'lon qilinmagan.
Xonanda Imron ijtimoiy tarmoqdagi sahifasida yangi musiqiy loyihasidan qisqa videoni e’lon qilib, muxlislarini navbatdagi premyera bilan qiziqtirib qo‘ydi.
San’atkor videoga "Bir marta eshitsangiz, 'Ana bo‘lmasa!' deb yurishingiz mumkin. Premyera juda yaqin!" degan izohni qoldirgan. Ushbu yozuvdan kelib chiqib, yangi tarona "Ana bo‘lmasa" nomi bilan taqdim etilishi kutilmoqda.
Qisqa lavhada klip suratga olish jarayonidan ayrim kadrlar ham namoyish etilgan. Unda taniqli aktrisa Durdona Qurbonova ham ishtirok etgani muxlislar e’tiboridan chetda qolmadi. Uning klipda ko‘rinish berishi ijtimoiy tarmoqlarda iliq kutib olindi.
Hozircha qo‘shiq va videoklipning aniq premyera sanasi rasman e’lon qilinmagan. Shunga qaramay, e’lon qilingan qisqa video muxlislar orasida katta qiziqish uyg‘otishga ulgurdi.
Izohlarda ko‘plab foydalanuvchilar yangi qo‘shiq premyerasini intiqlik bilan kutayotganini yozgan. Ayrimlar esa klipda Durdona Qurbonovani ko‘rganidan xursand bo‘lganini bildirib, Imron va aktrisaning ijodiy hamkorligi muvaffaqiyatli chiqishiga ishonch bildirgan.
Izohlar 0
…