Bolalarni turli zo‘ravonliklardan himoya qilish borasida qator ishlar amalga oshirilmoqda. Ammo ba’zida ijtimoiy tarmoqlarda bolalarga yoki voyaga yetmagan qizlarga nisbatan tegajog‘lik qilish, yoki Internet orqali ularga uyatsiz tasvirlar yuborish holatlari uchrab turadi. Endilikda bu kabi holatlar uchun javobgarlik kuchaytiriladi, deb Ta’lim xabarlari xabar berdi.
Oliy Majlis Qonunchilik palatasidagi siyosiy partiyalar fraksiyalarining yig‘ilishlarida “Bolalarni zo‘ravonlikdan himoya qilish tizimi takomillashtirilishi munosabati bilan O‘zbekiston Respublikasining ayrim qonun hujjatlariga o‘zgartirish va qo‘shimchalar kiritish to‘g‘risida”gi qonun muhokama qilindi.
Qonun loyihasiga ko‘ra, 16 yoshga to‘lmagan shaxsga nisbatan telekommunikatsiya tarmoqlari yoki Internet orqali uyatsiz harakatlar qilganlik uchun javobgarlik kuchaytiriladi. Shuningdek, voyaga yetmaganlar tasvirlangan pornografik mahsulotlarni saqlash harakatini bir yil ichida takroran sodir etgan shaxslar jinoiy javobgarlikka tortiladi.
Loyihaning qabul qilinishi bolalarni jinsiy erkinlik va bola savdosiga qarshi jinoyatlardan himoya qilish kafolatlarini kuchaytiradi. Bundan tashqari, bunday jinoyatlarni sodir etganlar qilgan ishiga mos ravishda jazolanadi va aliment to‘lamaganlik uchun javobgarlikka tortilgan shaxslar ustidan jamoatchilik nazorati o‘rnatiladi.
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
