Toshkent havosi yana qishdagidek yomonlashdi

6-aprel kuni Toshkentda havo sifati qish oylaridagidek yomonlashdi, deb ma’lum qilmoqda UzGidromet, nova24.uz yozmoqda.

Rasmiy ma’lumotlarga ko‘ra, PM2.5 zarralari miqdori 76,4 mkg/m³ ni tashkil etdi. Bu JSST me’yoridan 15,3 baravar, milliy standartdan 2,2 baravar ortiq.

PM10 va uglerod oksidi (CO) ko‘rsatkichlari esa me’yorda bo‘lgan. Shuningdek, Uchtepa tumanidagi ayrim mahallalarda g‘alati kuygan hid kuzatilgani haqida ijtimoiy tarmoqlarda shikoyatlar tushgan. Mas’ul tashkilotlarga tekshiruv o‘tkazish haqida xabar yuborilgan.

Havoda ifloslanishning to‘planishiga bulutli ob-havo, yuqori namlik va shamolsizlik sabab bo‘lgan.

IqAir’ning 12:00 dagi ma’lumotlariga ko‘ra, PM2.5 darajasi 21 mkg/m³ ni tashkil etmoqda – bu JSST tavsiyasidan 4,4 baravar ortiq, ammo milliy standartga mos. “Zamin” yangiliklarini “Telegram”da kuzatib boring