Uzbekistan Airways samolyotlarida internet bo‘ladi

Uzbekistan Airways aviakompaniyasi yuqori tezlikdagi sun’iy yo‘ldosh interneti xizmatini joriy etadi, deb xabar berdi kompaniya matbuot xizmatiga asoslanib kursiv.media yozmoqda.

Aviatashuvchi Saudiya Arabistonining Neo Space Group (NSG) kompaniyasi bilan strategik hamkorlik bo‘yicha kelishuv imzoladi. NSG — sun’iy yo‘ldosh texnologiyalari (IFC) bo‘yicha ixtisoslashgan bo‘lib, SES Open Orbits global yo‘ldosh tarmog‘i orqali xizmat ko‘rsatadi.

Ma’lumotga ko‘ra, internet Airbus A321neo samolyotlarida o‘rnatiladi va 2026-yildan foydalanishga topshiriladi.

Yo‘lovchilar parvoz davomida xabar yuborish, video ko‘rish yoki masofadan ishlash imkoniga ega bo‘ladilar. Yo‘ldosh tarmog‘i uzluksiz va yuqori tezlikda internet bilan ta’minlaydi. “Zamin” yangiliklarini “Telegram”da kuzatib boring