Xorazmda kanalizatsiya tizimi yangilanadi

2025 yilda Xorazm viloyatida suv ta'minoti va kanalizatsiya tizimlarini rekonstruksiya qilish ishlari boshlanadi, deb uz.kursiv.media xabar berdi. Bu maqsadlar uchun 1,1 trln so‘m ajratiladi.

Hozirgi kunda viloyatdagi suv ta'minoti tarmoqlarining 16% va kanalizatsiya tarmoqlarining 27% avariya holatida. Aynan Urganch, Xiva va Pitnak shaharlarida bu muammo keskin turibdi.

Yaqin vaqt ichida ushbu uchta shahar va Gurlan tumanida kanalizatsiya tizimlarini yangilash ishlari boshlanadi.

Yil oxirigacha Xorazmda 101 km yangi suv va kanalizatsiya tarmoqlari quriladi. Shuningdek, kanalizatsiya tizimini rivojlantirish uchun xalqaro tashkilotlardan 85 million dollar jalb etish rejalashtirilgan.

Bundan tashqari, 2025 yilda pudrat ishlari uchun 12 trln so‘m ajratilib, 20 ming kishi ish bilan ta'minlanadi. 200 ta ko‘p qavatli uy qurilishi, 1,5 ming km yo‘l va 20 ta ko‘prik ta'mirlanishi rejalashtirilgan.

Jamoat transportini yaxshilash maqsadida 80 ta yangi avtobus xarid qilinib, 6 ta yangi marshrut yo‘lga qo‘yiladi. “Zamin”ni Telegramʻda oʻqing!