"Quyluk" bozori yopilmaydi — Toshkent shahar hokimiyati

Toshkent shahar hokimiyati "Quyluk" bozori yopilmasligini, balki uning faoliyati optimallashtirilishini ma’lum qildi, deb Kursiv Media xabar berdi. Bozorda rekonstruksiya va obodonlashtirish ishlari bosqichma-bosqich amalga oshiriladi, savdo esa to‘xtatilmaydi.

Hokimiyat ma’lumotlariga ko‘ra, bozorda sanitariya qoidalari buzilishi, xavfsizlik talablariga rioya qilinmasligi va noqonuniy savdo kabi muammolar mavjud. Shu sababli bozorni shahar va xalqaro standartlarga moslashtirish rejalashtirilgan.

Qayta qurish jarayonida infratuzilma yangilanadi, savdo uchun qulayliklar yaratiladi va raqamli texnologiyalar joriy etiladi. Bu orqali soliq shaffofligi ta’minlanishi va “soya” iqtisodiyoti ulushi kamaytirilishi ko‘zda tutilgan. “Zamin”ni Telegramʻda oʻqing!