108
2025 yil yanvar–aprel oylarida O‘zbekiston 25,6 ming tonna mosh eksport qildi. Uning umumiy qiymati 22,3 million dollarni tashkil etdi, deb UPL.uz xabar berdi.
O‘zbekiston Davlat statistika qo‘mitasi ma’lumotlariga ko‘ra, eksport qilingan moshning 85 foizdan ortig‘ini Xitoy xarid qilgan — 21 963 tonna.
Qolgan asosiy xaridorlar quyidagilar:
• Qozog‘iston — 1 243 tonna
• Niderlandiya — 582 tonna
• Afg‘oniston — 505 tonna
• Rossiya — 279 tonna
• boshqa davlatlar — 993 tonna
Mosh eksportining oshishi bir nechta omillar bilan bog‘liq. Avvalo, O‘zbekistondagi agroiqlimiy sharoitlar yuqori sifatli dukkakli mahsulot yetishtirish imkonini beradi va bu jahon bozorida talabga ega. Shuningdek, hukumat qishloq xo‘jaligini qo‘llab-quvvatlab, zamonaviy texnologiyalarni joriy etmoqda va eksport faoliyatini rag‘batlantirmoqda. Mosh dunyo oshxonalarida keng qo‘llaniladigan universal mahsulot bo‘lgani sababli, unga bo‘lgan talab barqaror hisoblanadi.
“Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
