Toshkent viloyatidagi Sea Breeze loyihasiga 5 mlrd dollar investitsiya kiritiladi

Sea Breeze kurorti qurilishi uchun Toshkent viloyatida 5 milliard dollar sarmoya yo‘naltiriladi, deb xabar bermoqda nova24.uz.

O‘zbekiston Investitsiyalar, sanoat va savdo vazirligi ma’lumotiga ko‘ra, loyihaning investori sifatida Ozarbayjonning Agalarov Development kompaniyasi ishtirok etadi.

Kurort umumiy 577 gektar maydonda barpo etiladi, shundan 100 gektari birinchi bosqichda o‘zlashtiriladi. Loyihaning asosiy maqsadi — turizm infratuzilmasini rivojlantirish, yangi ish o‘rinlarini yaratish va xorijiy sayyohlarni jalb qilishdir.

Hudud 10 ta ixcham zonaga bo‘linadi, har birida dam olish maskanlari va xizmatlar mavjud bo‘ladi. Suv havzasi ustidan ko‘prik qurilishi ham rejalashtirilgan.

Sohil bo‘ylarida buloqlar, plyajlar va dam olish hududlari, tog‘ etaklarida mehmonxonalar, kottejlar, turar joylar, restoranlar va tomosha maydonlari bo‘ladi. Shuningdek, loyiha doirasida madaniy, ta’lim, tibbiy va sport muassasalari qurilib, hududni yil davomida yashashga yaroqli maskanga aylantiradi. “Zamin”ni Telegramʻda oʻqing!