2024 yil 6 iyundan O‘zbekistonda fuqarolar o‘zlariga kredit rasmiylashtirilishini taqiqlash uchun shaxsan murojaat qilish imkoniyatiga ega bo‘ldi, deb nova24.uz xabar berdi. Yangi xizmat “Jismoniy shaxslarga nisbatan kredit bitimini tuzishni taqiqlash yoki ro‘yxatdan chiqarish haqidagi ma’lumotlarni reyestrga kiritish yoki chiqarib tashlash” nomi bilan yuritiladi.
Bu tizim fuqarolarni firibgarlik yo‘li bilan ularning nomiga kredit rasmiylashtirilishidan himoya qilishga xizmat qiladi. Jismoniy shaxslar Kredit axborot-tahliliy markaziga bepul murojaat qilib, o‘zlariga nisbatan kredit olishni taqiqlash to‘g‘risida ariza topshirishlari mumkin.
Xabarga ko‘ra, yaqin orada ushbu xizmat Davlat xizmatlari markazlari va Yagona interaktiv davlat xizmatlari portali (YAIDXP) orqali ham mavjud bo‘ladi. Ariza topshirilgach, fuqaro avtomatik ravishda maxsus reyestrga kiritiladi. Shundan so‘ng barcha bank va kredit tashkilotlari kredit shartnomasi tuzishdan oldin bu ro‘yxatni tekshirishga majbur bo‘ladi. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
