Speedtest Global Index’ning 2025-yil may oyidagi hisobotiga ko‘ra, O‘zbekiston mobil va simli internet tezligi bo‘yicha jahon reytingida o‘z o‘rnini yaxshiladi, deb xabar berdi UPL.uz.
Mamlakatda telekommunikatsiya infratuzilmasini rivojlantirishga qaratilgan izchil harakatlar natijasida O‘zbekiston mobil internet bo‘yicha 71-o‘ringa ko‘tarildi. Bu aprel oyiga nisbatan bir pog‘ona yuqori. O‘rtacha mobil internet tezligi 55,34 Mbit/soniyani tashkil etdi.
Simli internet bo‘yicha ham yuksalish kuzatildi: mamlakat 76-o‘rindan 72-o‘ringa chiqdi. O‘rtacha tezlik esa 87,23 Mbit/s bo‘ldi.
Toshkent, Samarqand va Buxoro shaharlarida 5G tarmoqlari joriy qilinmoqda, 4G qamrovi kengaymoqda. Farg‘ona va Andijon viloyatlarida ham hokimiyatlar internet infratuzilmasini yaxshilashni qo‘llab-quvvatlamoqda.
Mobil internetda Birlashgan Arab Amirliklari (539,84 Mbit/s), simli internetda esa Singapur (372,02 Mbit/s) yetakchilik qilmoqda.
O‘zbekistonda IT sohasini rivojlantirish, IT-parklar tashkil etish va mutaxassislar tayyorlash dasturlari internet tezligini oshirish va raqamli iqtisodiyotga xizmat qilmoqda. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
