Citigroup Toshkentda vakolatxona ochadi

25 iyun kuni Investitsiyalar, sanoat va savdo vazirligida Citigroup delegatsiyasi bilan uchrashuv bo‘lib o‘tdi, deb Bankir kanali xabar berdi.

Uchrashuvda Citigroup yaqin kunlarda Toshkent shahrida o‘z vakolatxonasini ochishni rejalashtirayotgani ma’lum qilindi.

Citi kompaniyasining O‘zbekiston moliya bozoriga qiziqishi avvaldan mavjud. Kompaniya bir qator yirik korxonalarning xalqaro moliya bozoriga chiqishida ishtirok etgan. Jumladan:

. “Navoiyuran”ning yaqin kunlarda chiqarilishi kutilayotgan 300 million dollarlik (taxminan 3,8 trillion so‘m) yevrobondlarini joylashtirishda ishtirok etmoqda.

. “Navoiy kon-metallurgiya kombinati”ning 500 million dollarlik (qariyb 6,3 trillion so‘m) obligatsiyalarini joylashtirishda bukranner sifatida ishtirok etgan.