O‘zbekiston kartoshka yetishtirish sohasida Misr tajribasidan foydalanadi, deb Nova24.uz xabar berdi.
EastFruit ma’lumotiga ko‘ra, urug‘lik kartoshka yetishtirish bo‘yicha hamkorlik memorandumi imzolandi. Ushbu hujjat Misrning EFC Plants kompaniyasi hamda O‘zbekistonning “Agro Gold Premium” kompaniyasi tomonidan Qohirada bo‘lib o‘tgan qishloq xo‘jaligi biznes-forumi doirasida imzolangan.
Forumda Qashqadaryo viloyatidan tadbirkorlar va Misrning yetakchi agroindustriya kompaniyalari vakillari qatnashdi. Unda O‘zbekiston delegatsiyasi Misrning qishloq xo‘jaligi, xususan, kartoshka va qand lavlagi yetishtirishdagi tajribasi bilan tanishdi.
Bu tajribalar O‘zbekistonda yuqori sifatli urug‘lik kartoshka ishlab chiqarishda, shuningdek, agrar soha uchun investitsiyalar jalb etishda qo‘llaniladi.
Forum davomida tomonlar kartoshkachilik va qand sanoati bo‘yicha tajriba almashdilar va O‘zbekiston agrar sohasiga sarmoya kiritish istiqbollarini muhokama qilishdi.
Kelgusida urug‘lik kartoshka ishlab chiqarishning to‘liq bosqichini O‘zbekistonda mahalliylashtirish loyihasi amalga oshirilishi rejalashtirilgan. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
