2025 yil aprel oyining boshida O‘zbekistonning umumiy tashqi qarzi 68,4 milliard dollarni tashkil etdi, deb Kursiv media xabar berdi — ma’lumotni Markaziy bank taqdim etdi.
1 yanvar holatiga ko‘ra, tashqi qarz hajmi 64,1 milliard dollar bo‘lgan.
Bu miqdorning 35,8 milliard dollari davlat tashqi qarziga, 32,6 milliard dollari esa korporativ (kompaniyalar) tashqi qarziga to‘g‘ri keladi. Shu bilan birga, savdo balansidagi tanqislik bir yil ichida uchdan birga kamayib, 2,6 milliard dollarga yetgan. Bu eksport hajmining ortib, import darajasining o‘zgarmagani bilan bog‘liq.
Markaziy bank hisobotida 2025 yilning yanvar-mart oylarida pul o‘tkazmalari hajmining oshishi natijasida birlamchi va ikkilamchi daromadlar saldosi ijobiy bo‘lgan. Aprel boshidagi raqamlar mos ravishda 148,9 million dollar va 2,2 milliard dollarni tashkil qilgan.
Shuningdek, O‘zbekistonga to‘g‘ridan-to‘g‘ri xorijiy investitsiyalar birinchi chorakda 752,3 million dollarga yetgan. Bu o‘tgan yilga nisbatan ikki barobar ko‘payganini anglatadi.
“Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
