“Malika” savdo majmuasida IMEI kodlarini “legallashtirish” narxi 30 dollardan 250 dollargacha ko‘tarildi, deb Kursiv xabar berdi.
Facebook’dagi “Potrebitel.uz” guruhining a’zolari ayrim sotuvchilar bu xizmat uchun hatto 400 dollar so‘rayotganini bildirgan. Foydalanuvchilarning aytishicha, O‘zbekistonda IMEI ro‘yxatga olish tizimi to‘g‘ri ishlasa-da, uning tartibi juda murakkab.
Ba’zilar ta’kidlashicha, IMEI’ni rasmiylashtirish uchun bojxona deklaratsiyasi talab qilinadi. Ammo aeroportlarda bu borada hech qanday e’lonlar yo‘q, shuning uchun ko‘pchilik yo‘lovchilar bu haqda xabardor emas.
Deklaratsiyani pullik asosda olishga harakat qilganlar, Bojxona qo‘mitasi orqali bu juda qiyin va qimmat jarayon ekanini bildirgan.
Zarur hujjatlar tayyorlangach, IMEI’ni ro‘yxatga olish bor-yo‘g‘i bir necha daqiqa davom etgan. Foydalanuvchilar boshqalarni telefon sotib olayotganda IMEI kodini tekshirishga chaqirmoqda.
Eslatib o‘tamiz, 2025 yil boshidan boshlab O‘zbekistonga olib kirilgan barcha telefonlar bojxona deklaratsiyasida ko‘rsatilishi kerak. Aks holda, 30% boj to‘lanadi va UzIMEI’da ro‘yxatga olish imkoni bo‘lmaydi. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
