Analitik portal Numbeo 2025 yil uchun e’lon qilgan xavfsizlik indeksiga ko‘ra, O‘zbekiston dunyodagi eng xavfsiz 25 davlat ro‘yxatiga kiritildi. Mamlakatning xavfsizlik indeksi 100 ballik tizimda 73,4 ballni, jinoyatchilik indeksi esa 26,6 ballni tashkil etgan bo‘lib, bu past darajadagi ko‘rsatkich hisoblanadi.
O‘zbekiston 25-o‘rinni egallab, Markaziy Osiyodagi boshqa davlatlarni ortda qoldirdi: Qozog‘iston 73-o‘rinda, Qirg‘iziston esa 101-o‘rinda qayd etilgan.
Numbeo reytingi foydalanuvchilar o‘rtasida o‘tkazilgan so‘rovnomalarga asoslangan bo‘lib, bu rasmiy statistika emas, balki jinoyatchilik darajasiga nisbatan subyektiv qarashni aks ettiradi.
Eng xavfsiz davlatlar ro‘yxatining yuqori pog‘onalarini BAA, Andorra va Qatar egallagan. Eng xavfli mamlakatlar esa Gaiti, Papua – Yangi Gvineya va Venesuela sifatida ko‘rsatilgan. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
