O‘zbekiston Ekologik partiyasi Murad Buildings kompaniyasi asoschisi Murad Nazarovning Toshkentda daraxt kesish bo‘yicha moratoriy bekor qilinsin degan taklifiga keskin e’tiroz bildirdi. Bu haqda partiya vakili, deputat Javlon Abdullayev rasmiy bayonot berdi, deb xabar berdi Kursiv.media.
Avvalroq Nazarov qurilish vaqtida daraxtlar baribir zararlanadi yoki yo‘q bo‘ladi, deb aytib, ularni oldindan ekish orqali “daraxtlar banki” tizimini joriy etishni taklif qilgan edi.
Biroq Ekopartiya bu g‘oyani qo‘llab-quvvatlamadi. Javlon Abdullayevning so‘zlariga ko‘ra, iqlim o‘zgarishi va suv tanqisligi sharoitida har bir yetilgan daraxt kelajak avlodlar uchun bebaho hisoblanadi. Bitta katta daraxtni yetishtirish o‘nlab yillar mehnat va katta mablag‘ talab qiladi.
Uning ta’kidlashicha, mo‘ratariy bekor qilinmagani tufayli bugungi kunga kelib daraxtlarning 98 foizi saqlab qolingan. Faqat 2025 yilning dastlabki olti oyida daraxt kesish uchun berilgan 3,2 mingta ariza rad etilib, 453,2 mingta daraxt, shu jumladan 86 mingdan ortiq qimmatbaho turlar himoya qilingan.
Shuningdek, ekologlar kompensatsiya sifatida ekilgan ko‘chatlarning ko‘pchiligi o‘smasdan qurib qolayotganiga e’tibor qaratdi.
“Biz qat’iy aytamiz: har qanday rivojlanish yoki qurilish ekologik manfaatlar hisobiga emas, balki ular bilan muvozanatda amalga oshirilishi kerak”, – deyiladi Ekopartiya bayonotida. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
