O‘zbekiston va Rossiya aviareyslar sonini oshirish va parvozlar geografiyasini kengaytirishga kelishib oldi, deb Kursiv.uz xabar berdi. Jami aviakompaniyalarga haftasiga 1000 dan ortiq reys amalga oshirish huquqi berildi.
Joriy yil iyul oyining oxirigacha, muntazam reyslar soni haftasiga 310 tani tashkil etadi.
O‘zbekiston va Rossiya aviakompaniyalariga Toshkent–Moskva yo‘nalishida haftasiga 50 tadan reys amalga oshirish huquqi berildi. Samarqand–Moskva oralig‘ida haftasiga 23 tadan, Termizdan Rossiya poytaxtiga haftasiga 10 tadan reyslar belgilandi.
Shuningdek, O‘zbekiston va Rossiya aviakompaniyalari Toshkent–Sankt-Peterburg, Toshkent–Krasnoyarsk va Toshkent–Sochi yo‘nalishlarida haftasiga 14 tadan reys bajarishi mumkin.
Bundan tashqari, Rossiya aviakompaniyalari 80 ta xalqaro aeroportdan O‘zbekistondagi barcha xalqaro aeroportlarga haftasiga 7 tadan reys amalga oshirish huquqiga ega bo‘ldi.
O‘zbekistonlik aviakompaniyalar uchun esa Rossiyaning 29 ta yirik aeroporti ochiqligi qayd etildi.
“Zamin”ni Telegramʻda oʻqing!
