1 avgust, payshanba kuni O‘zbekiston bo‘ylab ob-havo sharoiti turli hududlarda farq qiladi. Ayrim viloyatlarda yomg‘ir, momaqaldiroq, changli shamol va hatto sel-suv toshqini ehtimoli mavjud.
Toshkent shahrida ob-havo biroz bulutli, vaqti-vaqti bilan o‘zgaruvchan bo‘ladi. Yomg‘ir kutilmaydi. Shamol sharqdan 3–8 m/s, kechga yaqin 12–15 m/s gacha kuchayishi, chang-to‘zon bilan birga bo‘lishi mumkin. Harorat tungi 22–24 daraja, kunduzgi 34–36 daraja.
Qoraqalpog‘iston va Xorazmda ham ob-havo biroz bulutli. Yomg‘ir kutilmaydi. Shamol 7–12 m/s, ba’zi joylarda 13–16 m/s gacha kuchayishi, changli havo kuzatilishi mumkin. Harorat tungi 18–23 daraja, kunduzi 31–36 daraja.
Buxoro va Navoiyda ob-havo quyoshli, quruq. Shamol 7–12 m/s, ba’zi joylarda 13–18 m/s gacha kuchayishi, chang ko‘tarilishi mumkin. Harorat 19–24 daraja tungi, 33–38 daraja kunduzi.
Toshkent, Sirdaryo, Jizzax, Samarqandda ob-havo biroz bulutli, o‘zgaruvchan. Yomg‘ir kutilmaydi. Shamol 7–12 m/s, ba’zi joylarda 13–16 m/s gacha. Harorat 19–24 daraja tungi, 32–37 daraja kunduzi.
Qashqadaryo va Surxondaryoda havo biroz bulutli, quruq. Shamol 7–12 m/s, ayrim joylarda 13–16 m/s gacha chang-to‘zon bilan. Harorat tungi 21–26 daraja, kunduzi 35–40 daraja.
Andijon, Namangan, Farg‘onada biroz bulutli va ba’zi joylarda qisqa muddatli yomg‘ir, momaqaldiroq bo‘lishi mumkin. Shamol 7–12 m/s. Harorat tungi 19–24 daraja, kunduzi 32–37 daraja.
Tog‘li hududlarda yomg‘ir, momaqaldiroq va sel-suv toshqini ehtimoli bor. Harorat tungi 13–18 daraja, kunduzi 23–28 daraja.
“Zamin”ni Telegramʻda oʻqing!
